FRÍ SENDING UM ALLT LAND

Skilmálar

Með því að leggja inn pöntun hjá Velvet samþykkir þú eftirfarandi skilmála. Hafir þú spurningar varðandi þá, vinsamlegast sendu fyrirspurn á velvetverslun@gmail.com.

Upplýsingar um Velvet
Velvet var stofnað 17. nóvember 2010 og er rekið af fyrirtækinu Fatura ehf, kt. 431114-0620, VSK nr. 118536. 

Greiðsla
Við bjóðum upp á fjóra greiðslumöguleika: greiðsla með kreditkorti, debetkorti, Netgíró eða millifærslu.

Kortafærslur fara í gegnum örugga greiðslusíðu Valitor, Velvet fær því aldrei kortaupplýsingar kaupenda.

Netgíró býður upp á kortalaus viðskipti á netinu. Þú þarft að vera með aðgang hjá Netgíró til þess að nýta þér þjónustuna, ef þú ert ekki með aðgang þá er hægt er að nýskrá sig hér. Þegar þú greiðir með Netgíró þarf aðeins að skrá inn kennitölu og lykilorð og þá er pöntunin frágengin. Þú færð reikning á heimabankann sem þarf að greiða innan 14 daga, vaxtalaust. Þú borgar aðeins 195 kr. tilkynningar- og greiðslugjald fyrir færslur yfir 3.000 kr. Hægt er að dreifa greiðslum vegna stærri innkaupa.

Sé greiðsla gerð með millifærslu skal leggja inn á reikning Fatura ehf innan 24 klst frá kaupum. Hafi greiðsla ekki borist innan þess tíma er pöntunin ógild. Reikningsnúmer er 0133-26-004311 og kt er 431114-0620.

Sendingarmáti
Pantanir eru sendar með Íslandspósti. Enginn sendingarkostnaður er á pöntununum innanlands. Velvet tekur alla jafna allt að 1 virkan dag í að afgreiða pöntunina. Sendingartími innalands er 1-3 virkir dagar. Athugið að afhendingartími getur seinkað í tengslum við mikla álagstíma, þ.e. fyrir jól og í tengslum við afsláttardaga. Pantanir komast í langflestum tilvikum inn um bréfalúgu eða póstkassa og eru þá bornar út af bréfberum Póstins. Póstsendingar eru ekki tryggðar, nema þess sé óskað sérstaklega og bætist þá aukinn kostnaður við pöntunina.

Sendingarkostnaður utan Íslands er 500 kr. Sendingartími er mismunandi eftir löndum.

Vinsamlegast athugið! Það er nauðsynlegt að nafn viðtakanda komi fram á bréfalúgu/póstkassa á því heimilisfangi sem gefið er upp í pöntuninni. Einnig viljum við biðja viðskiptavini um að passa að götuheiti og húsnúmer sé örugglega rétt áður en pöntun er staðfest. Gott er að láta koma fram nánari upplýsingar ef við á, t.d. íbúðarnúmer, kjallari eða sérstakur inngangur.

Því miður er ekki hægt að sækja pantanir til okkar.

Vöruskil
Skilafrestur er 14 dagar frá kaupum. Vöru fæst aðeins skilað sé hún ónotuð og í upprunalegu ástandi. Tilkynna skal vöruskil með tölvupósti á velvetverslun@gmail.com áður en pakki er settur í póst. Boðið er upp á endurgreiðslu eða vöruskipti. Endurgreiðsla er gerð í sama formi og greiðslan var móttekin með. Hafi verið millifært þarf að láta Velvet fá upplýsingar um bankareikning ásamt kennitölu. Endurgreiðslan er gerð þegar sendingin hefur borist Velvet. Athugið að kaupandi ber ábyrgð á sendingunni þangað til hún hefur borist Velvet.

Af hreinlætisástæðum er því miður ekki hægt að skila eyrnalokkum.

Galli
Ef vara reynist gölluð ber að tilkynna Velvet um það hið fyrsta. Sé varan enn fáanleg er henni skipt út, annars er hún endurgreidd.

Fyrirvari
Velvet áskilur sér rétt til verðbreytinga án fyrirvara. Allar upplýsingar og verð eru birt með fyrirvara um innsláttarvillur, og myndir eru birtar með fyrirvara um myndabrengl. Velvet áskilur sér rétt til þess að hætta við pöntun komi í ljós að varan hafi verið vitlaust verðmerkt eða uppseld. Í þeim tilfellum fær viðskiptavinur endurgreitt eða getur valið sér aðra vöru.

Litbrigði
Velvet ábyrgist ekki að litbrigði mynda sé 100% eins og þau birtast í raunveruleikanum. Þetta gæti stafað af ólíkum eiginleikum tölvuskjáa, eða lýsingu á ljósmyndinni.

Persónuupplýsingar
Fullum trúnaði er heitið vegna persónuupplýsinga. Velvet mun ekki í neinum tilvikum veita þriðja aðila persónuupplýsingar viðskiptavina sinna.

Leitaðu í versluninni